नेपाली भजन

सरस्वती वन्दना

जय देवि सरस्वती भगवती माता  ।
शरणमा पर्छौ हामी भुक्ति-मुक्ति दाता ।।

सरस्वती तिम्रो नाम जिह्वामा छ बास ।
चराचरा जगतको पुर्याउने आष ।।           जय देवि..........

किरीट र कुन्डलले उज्जवल छ माथ ।
विणाले र पुस्तकले सु-सोभितछन् हात ।।  जय देवि..........

भक्तलाई भक्तिदिने छुचालाई छुल्ल्याई  ।
अज्ञानीलाई ज्ञान दिने सुरालाई सूर्याई  ।।     जय देवि..........

लगाएकी सेतो साडी कूर्कुचामा भॅगरी  ।
ढल्की-ढल्की हीड्ने तिम्रो हॅसको सवारी   ।।   जय देवि..........

भक्ति गर्छौ शरण पर्छौ विद्या वुद्धि पाऊँ ।
जगत गुरू शारदा जी छोडी कहाँ जाऊँ   ।।     जय देवि..........

जय-जय गणेश -२

जय-जय गणेश -२  ।
जय लम्बोदर जय-जय गणेश ।।
                               जय एक दन्त जय-जय गणेश ।
जय विघ्नेश्वर जय-जय गणेश ।।
                              जय गौरी पुत्र जय-जय गणेश ।
जय गणनायक जय-जय गणेश  ।।
                              जय गज बक्त्र जय-जय गणेश ।
जय भृङ्गिराज जय-जय गणेश ।।
                             जय वक्रतुण्ड जय-जय गणेश ।
जय नन्दीश्वर जय-जय गणेश ।।
                           जय विनायक जय-जय गणेश ।
जय सिद्धेश्वर जय-जय गणेश ।।
                          जय मुषक वाहन जय-जय गणेश ।
जय पार्वति पुत्र जय-जय गणेश ।।

 हरि वोल

हरि वोल - हरि वोल झुटा माया जानी ।
दुई दिनको जिन्दगानी कर्कलाको पानी ।।  १ ।।

मेरो-मेरो भन्छ्न् सबै मेरो केहि छैन ।
एक्लै आउनु एक्लै जानु लानु केहि छैन ।।     हरि वोल.......२

माता- पिता ,सुत- बन्धु दुई दिनको मेला ।
आखिरीमा पर्नु पर्ला यमराजको फेला ।।       हरि वोल.......३

पाउँ पायौ तीर्थ गर्न हातले गर्नु दान  ।
कानले सुन्नु हरि कथा मनले गर्नु ध्यान ।।    हरि वोल.......४

घोर कलि युग आयो भजन गरौ भाई  ।
नाम छोडे भोग्नु पर्ला यमको सजाई   ।।      हरि वोल.......५

सारा ज्यान नष्ट हुन्छ जान्न केहि साथमा ।
आखिर आत्मा मिल्छ परमात्माको साथमा  ।।   हरि वोल.......६

राम भजौ

राम भजौँ -राम भजौँ - राम भजौँ राssम ।
वाचुन्जेल सन्सारमा सकिदैन काम   ।।  राम भजौँ .....१

काम गरी राम भजौँ मिल्छ परम धाम ।
यो जगतमा सुख दिने भजौँ ऊनै राम  ।।  राम भजौँ .....२

इष्ट-मित्र , बन्धु-भाई भजौ सीता-राम  ।
उल्टा सीधा जपे पनि पुरा हुन्छन् काम ।।   राम भजौँ .....३

वाल्मिकी जी जप्ता भए उल्टो मरा-मरा ।
उल्टो जप्ता सुल्टो भयो राम-राम-राम  ।।    राम भजौँ ..... ४

श्री कृष्ण जसको नाम होस्

श्री कृष्ण जसको नाम होस् गोकुल जसको धाम होस् ।
यस्ता श्रीभगवानको वारम्वार प्रणाम होस्   ।।  श्री कृष्ण जसको नाम होस्....१

यशोदा जसकी मैया हुन् नन्दजी वा-वैया हुन् ।
यस्ता श्री गोपालको वारम्वार प्रणाम होस्   ।। श्री कृष्ण जसको नाम होस्....२

श्री कृष्ण जसको नाम होस् गोलोक जसको धाम होस् ।
राधा जसकी जाया हुन् -अद्भुत जसकी माया हुन् ।।
यस्ता श्री घनश्यामको वारम्वार प्रणाम होस्  ।।      श्री कृष्ण जसको नाम होस्....३

आउ मेरा घरमा

कृष्ण-कृष्ण आउ मेरा घरमा स्वागत गर्छु फूल-माला गासेर ।।

मुखले तिम्रै गुण गाओस् कानले कथा सुनोस् ।
हातले कर्म मन तिम्रै पाऊँ सम्झि रहोस्    ।  कृष्ण-कृष्ण आउ मेरा.....१

जगत वासी शीर मेरो तिम्रै प्रणाम निम्ति  ।
आँखा तिम्रा रूप धारी सन्त दर्शन निम्ति   ।।  कृष्ण-कृष्ण आउ मेरा.....२

                               

होली खेल्न
होली खेल्न आउन गोपिनी ।
फाल्गुन महिना हातैमा रँग बोकी ।।

भो-भो हामी खेल्दैनौ गोपाल ।
भिज्छन् लुग बिग्रन्छ श्रीङ्गार  ।। होली खेल्न....

पूर्व तिर जूनैको तारा छ ।
गोकुलमा राधाको घर छ  ।। होली खेल्न....

पशुपतिमा चार ढोका चाँदीका
जता हेर्यो कृष्ण र राधिका  ।।  होली खेल्न....

राधा जपौ
राधा जपौ - राधा जपौ - राधा जपौ राssधा |
वियोगमा परि-परि हामी भयौ आsधा ||१||

शवरीको उद्दार भयो जप्दै राम राम |
कुब्जा पनि मुक्त भइन लिई कृष्ण नाम ||२|| राधा जपौ.....

द्रौपदीको लाज रह्यो हे गोविन्द भन्दा |
कुरु कुलको बिनाश भो उनका केश तान्दा ||३|| राधा जपौ.....

पुतनालाई गति दियो दुध प्राण पीई |
सकटासुर तारी दियो एकै लात दीई ||४||   राधा जपौ.....

गाई-गोठाला रक्षा गर्यो बन डढेलो पीई |
ब्रज वृन्दावन चाहि गोवर्धन लीई || ५||   राधा जपौ.....

शॅखाचुड मारिन गो छिचोल्याई गर्दा |
साधु-सन्त खुशि भये पापी कॅश मर्दा ||६||  राधा जपौ.....

सीता राम बन्दना
सीता राम राधे श्याम बन्दना,राधे श्याम बन्दना |
अन्जनाका नन्दना बन्दना ||१||

गॅगा- गया, यमुना बन्दना,यमुना बन्दना |
वद्री-केदार नाथको सम्झना ||  सीता राम......||२||

जन्म-कर्म भुमीलाई बन्दना,भुमीलाई बन्दना |
माता-पीता सद्गुरु सम्झना ||   सीता राम.... ||३||

व्यास शुकदेवको बन्दना,देवको बन्दना |
भक्त जनलाई वारम्बार सम्झना ||  सीता राम ........||४||

गौरी-गणेश, शिवजी सहित, शिवजी सहित |
सरस्वती देवीलाई बन्दना ||    सीता राम....||५||

चौधै लोकलाई

चौधै लोकलाई प्रकाश दिने -२ , ब्रह्माण्डका मालिक हुन् |
भजन गरौँ सनातन शेष शायीको-२ ||

हाम्रो दन्डवत प्रणाम स्विकार गर्नु हुन्छ |
मँ र मेरो भन्ने आषा सबै त्याग्नु पर्छ || चौधै लोकलाई .....||२||

आठ वर्षको उमेरमा धुर्व बन पसेथ्ये |
प्रह्लादले खम्बैबाट दर्शन गराइदेथ्ये || चौधै लोकलाई .....|| ३||

कँशले नी कालो-कालो भन्दै नाम जप्थ्यो |
शिशुपालले सधैभरी गाली मात्रै गर्थ्यो || चौधै लोकलाई .....||४||

सुदामा चरित्र

कृष्ण सँग मिलनलाई आएका सुदामा |
गाउँदै हीडेँ मनमा हरे कृष्ण रामा || १||

बाल्य कालका साथि थिएँ देवकी नन्दन |
भेट्ने इच्छा सुदामा जी गुन्छन् मन-मन || कृष्ण सँग .....||२||

बाल्य कालमा गौ हेर्दाको क्रीडा रसलाई |
सम्झि-सम्झि जान लागे कृष्ण गाथा गाई ||कृष्ण सँग .....||३||

कनिकाको पोको पारी काखिमा लुकाई |
गाउँदै हीडे सुदामा द्वारीका लाई ||              कृष्ण सँग .....||४||

शरणमा आयौँ

शरणमा आयौँ प्रभु राख आफ्नो मान |
रक्षा गर -२ हे दया निधान || १||

प्रभु विना सँसारमा छैन अर्को कोही |
आत्मज्ञानी भक्त विन्ति गर्छन् रोई-रोई ||   शरणमा आयौँ.....||२||

योग गर्ने शक्ति छैन , छैन जप ध्यान |
कीर्तनले खुशि भई प्यारो भक्त मान ||
आषा गर्छु चरणको देउँ प्रभु स्थान ||    रक्षा गर -२..... ||३||

इन्द्रियको दास भई भुले प्रभु सारा |
मोहान्धले अन्ध भई भए आत्महारा ||
झुठा माया मोहको गर अब सान ||    रक्षा गर -२...... ||४||

वाँसुरी मीठो

वाँसुरी मीठो कृष्णको बज्यो वृन्दावन घारीमा |
सुनेर बन्सी मेरो मन पुग्यो यमुना पारीमा ||१||

वेलुकी पख अस्ताए घाम झुल्किए चन्द्रमा |
गाई र ग्वाला गोकुलमा आए फर्केर साझमा || वाँसुरी मीठो.....||२||

सुरीलो स्वर गुन्जदै आयो सबैका कानमा |
ती तीनै लोक भुवन वासी लट्टिए तानमा || वाँसुरी मीठो......||३||

के मीठो तान वँशीको भनी सबैले सुनेर |
पशु र पँक्षि सबैको लग्यो हृदय चुडेर || वाँसुरी मीठो......||४||

धामका आत्मा गोपीहरुले सुनेर वाँसुरी |
देह र गेह त्यागेर पुगे तुरुन्तै दगुरी || वाँसुरी मीठो.......||५||

सम्पूर्ण जगत प्रलय भयो यसैका पछाडी |
जानेनन् भेद कसैले पनि केभयो अगाडी || वाँसुरी मीठो.....||६||

हे प्रभु

हे प्रभु कृष्ण सखे वँशी बजाइदेउन |
तिम्रो गाउँमा आउछु कृष्ण बाटो देखाइ देउन ||

यमुनाको तीरमा बसि धेनु चराउने |
मुरलीको धुन सुनाई मस्त बनाऊने ||

माता-पीता, दाजु-भाई दीदि-बहीनि सखी |
दुइ दिनको नाता सबै आशा प्रभु माथी ||

कृष्ण -कृष्ण -कृष्ण भन्ने बानी बसाई देउन |
जन्म-जन्म गाईरहन्छु धोको पुर्याई देउन ||

सम्झनाको कोशेलीले मनै खुशिपार्ने |
भक्तलाई आफ्नो मानी भव सागर तार्ने ||

आउन प्रभु छेउमै बसी वँशी बजाइदेउन |
तिम्रो भजन गाउँछु प्रभु लय सिकाई देउन ||

जाउँन जमुना

जाउँन जमुना- सख पानी भरौन |
लमक-लमक हीडन छिटो , सुनको वँशी बजेको मीठो ||  जाउँन जमुना-..

कृष्ण पनि हराई गए .. कदम गाछ मुनी-२ |
जादै गर सखी तिमी , आउछु म पनि {सखि आउछु ..} ||

{ आज मेरो गाई हेर्ने पालो |
कृष्णजीलाई पठाइदेउँ गोठालो || }

सोह्र हजार गोपिनीलाई वँशीले भुलायौँ {श्याम..} |
राधा सहित मोहित पारी रास रचायौ {श्याम ...} ||

{पशुपतिमा चार ढोका चाँदीका|
कृष्णजीलाई मन पर्ने राधिका || }   जाउँन जमुना....

हे कृष्ण मलाई मीठो..

हे कृष्ण मलाई मीठो वँशी सुनाई देउन { हो.. } |
तिमीलाई मात्र हैन त्रिलोकै थर्कइ देउन || -२

कसरी वँशीले त्रिलोकै थर्काइ दिन्छौ |
तपस्वी ज्ञानीको आसन जगाइ दिन्छौ ||   हे कृष्ण मलाई मीठो..

वँशीको महिमा बुझ्दैनौ तीमि राधा |
यो विरहि हिरणीको ध्यानमा पर्छ बाधा || हे कृष्ण मलाई मीठो..

बाँसका टुक्राको महिमा के-के हुन्छ |
हामीले शिवाय अरुले कहाँ सुन्छ || हे कृष्ण मलाई मीठो..

तिम्रा ती देवता सबको सेखी झार्छ |
ब्रह्माजी त्रिदेव मोहित यसले पार्छ || हे कृष्ण मलाई मीठो..

सुरिलो तानको मोहिनी कस्तो राधा |
सुनेर यी कुरा चकित भएँ आज || हे कृष्ण मलाई मीठो..

हे प्यारी यसले गोपिनी डाकि ल्याउँछ |
जसले यो सुन्छ तिरुन्त यहाँ आउँछ || हे कृष्ण मलाई मीठो..

लैजाउँ कृष्ण..

लैजाउँ कृष्ण वैकुण्ठ विमानमा चढाउँदै |
हामी जान्छौ वैकुण्ठ हरि गुण गाउँदै ||   लैजाउँ कृष्ण..

के का होलान् मजिर के का होलान् जुईना |
नारायणको मन्दिर छोडि अन्त जाने छुईन || लैजाउँ कृष्ण..

कहाँ जन्मे राम लक्ष्मण कहाँ जन्मिन् सीता |
अति मीठो लाग्छ मलाई भागवत र गीता ||  लैजाउँ कृष्ण..

आयोध्यामा राम लक्ष्मण जनकपुरमा सीता |
आति मीठो लाग्छ मलाई भागवत र गीता ||  लैजाउँ कृष्ण..

नारायणको मन्दिरमा चन्दनको करालो |
भक्ति गर्ने भक्त जनलाई वैकुन्ठ उज्ज्यालो || लैजाउँ कृष्ण..

                           कति राम्रो..

कति राम्रो त्यो वृन्दावन, सललल बगेकी यमुना |
उस्तै राम्रो मथुरा शहर , जान मलाई लाग्दैछ रहर ||  कति राम्रो..

वृन्दावनको झीलिमिली कृष्णजिको दर्शन |
कृष्णजीको दर्शन गरे पापी पनि तर्छन् ||       कति राम्रो..

गाई बाछा लिई प्रभु जान्थे वन-वन |
गोपिनीको प्रेम ठूलो रुन्छन् मन-मन |   कति राम्रो..

कृष्णजीको जन्म भयो देवकीको काखमा |
मलाई पनि लानु प्रभु जान्छु तिम्रो साथमा ||  कति राम्रो..

पहिलो दर्शन विहारीको पछि रङ्गजीको |
यमुनामा स्नान गर्नु कृष्ण पियारीको ||  कति राम्रो..

राधाकुण्ड- श्यामकुण्ड गिरी गोवर्धन |
मधुर-मधुर वँशी बज्यो सोहि वृन्दावन || कति राम्रो..

वरि-परि ढल्की-ढल्की चर्ने बाछा गाई |
मुरलीधर श्रीकृष्ण जी माखन मिश्री खाई || कति राम्रो..

वँशी सुनी रास रची नाचे गोपीहरू |
कृष्णजीको भजन गरी हामी पनि तरू ||  कति राम्रो..

राधा नाचे

राधा नाचे,कृष्ण नाचे नाचे गोपि जन् |
मन् मेरो बन गयो सखि पावन वृन्दावन || १||

सूर्य नाचे, चन्द्र नाचे, नाचे तारागण |
मन मेरो बन गयो सखि पावन वृन्दावन ||२|| राधा नाचे ....

गँगा नाचे ,यमुना नाचे नाचे सरयू सँग |
मन मेरो बन गयो सखि पावन वृन्दावन ||३|| राधा नाचे ....

ब्रह्मा नाचे, शँकर नाचे नाचे नन्दी सँग |
मन मेरो बन गयो सखि पावन वृन्दावन ||४|| राधा नाचे ....

गन्धर्व नाचे , ऋषि मुनि नाचे नाचे देवगण |
मन मेरो बन गयो सखि पावन वृन्दावन ||५|| राधा नाचे ....

                       दशावतार

लौन हे मन ! कृष्ण हरि नारायण भजि देँ ||१||

पहिलो अवतार लिए मत्स्य रुप विष्णुले |
शँख चक्र आदि धारी शँखासुर मारिदिए ||२|| लौन हे मन ! ....

दोश्रो अवतार लिए कच्छप रुप विष्णुले |
सुर-असुर साथ लिए मन्द्राचल धारिदिए ||३|| लौन हे मन ! ....

तेश्रो अवतार लिए वराह रुप विष्णुले |
दैत्य हिरण्याक्ष मारी वेद पृथ्वी पालिदिए ||४|| लौन हे मन ! ....

चौथो अवतार लिए नृसिँह रुप विष्णुले |
खम्बा फोरी निस्किएर प्रह्लाद भक्त पालिदिए ||५|| लौन हे मन ! ....

पाँचौ अवतार लिए वामन रुप विष्णुले |
तीन पाउँ पृथ्वी लीइ भक्त बलि पालिदिए ||६|| लौन हे मन ! ....

छैटौँ अवतार लिए पर्शुराम विष्णुले |
पितृ वचन सत्य गरि दुष्ट क्षत्री मारिदिए ||७|| लौन हे मन ! ....

सातौ अवतार लिए राम रुप विष्णुले |
राज्य त्यागी बनमा भागी रावणादि मारिदिए ||८|| लौन हे मन ! ....

आठौ अवतार लिए कृष्ण रुप विष्णुले |
गोपी लिई रास रचि दुष्ट कँश मारिदिए ||९|| लौन हे मन ! ....

नवौँ अवतार लिए बुद्ध रुप विष्णुले |
गुप्त धर्म प्रचार गरी साधु सन्त पालिदिए ||१०|| लौन हे मन ! ....

दशौ अवतार लेलान् कल्कि रुप विष्णुले |
म्लेच्छ सबै नासी सनातन धर्म पाल्नेछन् ||११|| लौन हे मन ! ....

प्रात: उठी गर्ला भजन दिल दिई जसैले |
पाप फाली सबै वन्धन काटी दिएला त्यासैले ||१२|| लौन हे मन ! ....

 जय शिव शँकर

जय शिव शँकर ,हर शिव शँकर , भज शिव शँकर भोला |
त्रिभुवन स्वामी अन्तर्यामी शरण सदा लिनु होला ||

बाँया काखमा पार्वती गौरी कटिमा मृगपति छाला |
नागहरुका बाजुबाला नागैका सब माला ||  जय शिव शँकर .......

चन्द्र मुकुटमा झलमल गर्ने शिरमा निर्मल गँगा |
करमा डिम-डिम डमरु बजेको गाथ मनोहर नँगा || जय शिव शँकर .......

अपरम्पार महिमा तिम्रो ऋषि मुनि गाए सारा |
पाउँ शरण भनी झुकि-झुकि हामी गर्छौ प्रेम पुकार || जय शिव शँकर .......

तीन नयनमा तीन थरि ज्योति जगमग गर्छन् भारी |
हर घडी हाँजिर चरणकमलमा ब्रह्मा-इन्द्र-मुरारी || जय शिव शँकर .......

 दुर्गा बन्दना

जय देवि सुरेस्वरी भगवती दुर्गे |
गय जगदीश्वरी मातर बन्दे ||

त्रिलोककी माता तिमी महिमा अपार |
स्तुती पूजा आउँदैन ज्ञान दिई सपार ||  जय देवि सुरेस्वरी ......

केवल जल-फल-फूल लिइकन हात |
कीर्तन -पूजन नमस्कार छ बारम्बार माथ ||  जय देवि सुरेस्वरी ......

चम-चम गरी चम्किदै छन् हातका हतिया |
अष्ट भूजा धारण गरी सिँहको सवार ||  जय देवि सुरेस्वरी ......

 श्री कृष्ण जन्मोत्सव

हे कृष्ण हजुरलाई सम्झेर |
गर्छौ भजन मन्दिरमा बसेर ||

भाद्र महिना कृष्ण पक्ष अष्टमीको रातमा |
जेल भित्र जम्मनु भो साक्षात परमात्मा ||  हे कृष्ण ....

वसुदेवले टोकरीमा राखि शिरमाथि |
पुर्याउनु भो गोकुलमा शेष नागले ढाकी ||  हे कृष्ण ....

पुर्याउनु भो गोकुलमा बाह्र बजे राती |
आधा रात विचमा हो कोहि थिएनन् साथि ||  हे कृष्ण ....

पिता भए वासुदेव देवकी हुन् आमा |
छोरा भए स्वयँ कृष्ण कँस भए मामा ||  हे कृष्ण ....

रोहिणिका छोरा भए दाजु बलराम |
यसोदाले गोकुलमा देख्नु भयो श्याम ||  हे कृष्ण ....

राधा कृष्ण प्रभुका पदमा

राधा कृष्ण प्रभुका पदमा , पर्छु नाथ लिदिनुस् शरण |
भक्तवत्सल ! प्रभुविना दया गर्ने अर्को को छ र ?   ||१||

दयासागर हे मेरा प्रभु जी, कृपा दृष्टि बक्सियोस् नभुली
दयागरेर !
कसोगरी जाउँला सँसार पार तरेर || २|| राधा कृष्ण प्रभुका पदमा...

यतिन्जेलत सँसार मै डुलेर, बसेको थे प्रभुलाई भुलेर |
होसै नगरी !
प्रभु अब मेरो कल्याण होला के गरी ||३|| राधा कृष्ण प्रभुका पदमा...

मेरो छोरो मेरा यी आमा बाउ ,मेरो दौलत मेरा यी बस्तु भाउ |
मेरो साराधन् !
मेरो-मेरो भन्दा-भन्दै आयो मर्ने दिन ||४|| राधा कृष्ण प्रभुका पदमा...

मँ को हूँ र मैले कहाँ जानु छ , मैले गर्ने कर्तव्य केहो त ? |
केमा छ यो मन !
साथ लाने वस्तु के हो जिभ्रो टोक्या दिन ||५|| राधा कृष्ण प्रभुका पदमा...

यस्तो सोच्ने फूर्सद नै भएन , सँसार देखि मन अन्त गएन |
जावस कसरी !
धन सँपत्ति छोरा-छोरी मै छ आशक्ति ||६||      राधा कृष्ण प्रभुका पदमा...

मर्छौ कालका मुखमा परेर ,सोध्लान यमदूत कडा स्वर गरेर |
भन्त भाई अब !
ईश्वरका निम्ति तैले के-के गर्या छस् ||७|| राधा कृष्ण प्रभुका पदमा..

त्यसबेलामा के भन्नु मैइले , हरि भजन गरिन पहिले |
धर्म तर्फ त !
निन्दा मात्रै गर्थे केवल मस्त भएर || ८|| राधा कृष्ण प्रभुका पदमा..

दानी भई न दानै गरियो , न दु:खिको दु:ख नै हरियो |
न ता धर्मक्यै !
न प्रभुको दर्शन गरे तीर्थ व्रत गैँ ||९|| राधा कृष्ण प्रभुका पदमा..

नता बसे भक्ति नै गरेर , न सम्झन्छु प्रभुलाई केहि वेर |
व्यर्थै जीवन !
गुमाई सके प्रभुजीमा नदिई यो मन ||१०|| राधा कृष्ण प्रभुका पदमा..

न त कहिल्यै मालानै जपियो , चौवीस घण्टा सँसार मै फसियो |
वास्तै नगरी !
जानुपर्ला नरक भनी हुन्छन् थर्थर || ११||  राधा कृष्ण प्रभुका पदमा..

पाप गरे सीमा नै नाघेर, अहिले आउँछ पछुतो लागेर |
धिक्कार बुद्धिलाई !
अव मलाई नरकबाट को बचाउँला गै ||१२||  राधा कृष्ण प्रभुका पदमा..

आमा बुवा स्त्री पुत्र दौलत धन्, मर्या दिन साथ कोहि जादैनन् |
त्यसै बेला त !
पाप पुण्य दुवै जान्छ साथ भएर ||१३|| राधा कृष्ण प्रभुका पदमा.....

धर्म भन्ने केहि छैन गरेको ,को होला र मँ जस्तो सडेको |
न कोहि जन्मन्छ !
अवश्यनै पछि मलाई नरक लैजान्छन् ||१४|| राधा कृष्ण प्रभुका पदमा.....

यमराजले लैजालान् पक्रेर , बस्नु पर्ला नरकमा सडेर |
खाई पिटाई !
कोहि हुदैनन् भाई बन्धु ल्याउँने छुटाई ||१५|| राधा कृष्ण प्रभुका पदमा.....

यमराजले लैजालान् घिसार्दै , थप्पड दिदै लैजादै पछार्दै |
रगत छदाउँदै !
गर्थिस् पाप चाख्न मजा भन्दै सुनाउँदै ||१६||  राधा कृष्ण प्रभुका पदमा.....

यति भन्दै नरकमा लान्छन् रे , च्याप्दै छाला चिम्टाले तान्छन् रे |
घन्ले हान्छन् रे!
शरीरको सबै मासु लुट्दै खान्छन् रे ||१७||  राधा कृष्ण प्रभुका पदमा.....

ताता तेलका कराइमा हाल्छन् रे, आगो लाउँदै पकाउँन थाल्छन् रे |
ज्यादै सताई !
मरे बाबा बरै भन्दै रुला कराई ||१८|| राधा कृष्ण प्रभुका पदमा.....

मर्छस् ऐल्यै भनेर समाउदै , पछार्छन् रे जमीनमा घुमाउँदै |
लुगापिटे झै !
उठाउँदै थेचार्छन रे त्यसै ठाउँमा ||१९||  राधा कृष्ण प्रभुका पदमा.....

एक पत्र छाला सब तर्छन् रे नुन अमीलो खोर्सानी घस्छन् रे |
सास्ती दिएर !
कुट्छन् पिट्छन् फलामको कोर्रा लिएर ||२०||  राधा कृष्ण प्रभुका पदमा.....

फलामको किलाले ठोक्छन् रे , तीखा-तीखा भालाले रोप्छन् रे |
गर्दै गर्जना !
दया भन्ने कोहिमा पनि हुन्न अरे त्यहाँ ||२१||  राधा कृष्ण प्रभुका पदमा.....

फेरी शीशा पगाली तप्तपी, लगि खन्याइ दिन्छन् रे मुख भरी |
पोल्दै भत्भति !
जान्छ अरे पेट भित्र कस्तो आपत्ति ||२२||  राधा कृष्ण प्रभुका पदमा.....

मल मूत्र सिँगान रगतको ,खकार थुक इत्यादि जमेको |
दह बन्छ रे!
त्यो दहमा लगिकन पछार्दिन्छन् रे ||२३||  राधा कृष्ण प्रभुका पदमा.....

त्यति गरि लान्छन् रे रुख तिर , टाउको तल खुट्टालाई मास्तिर |
पार्दै झुण्ड्याई !
दिन्छन् अर तलबाट आगो लगाई ||२४||  राधा कृष्ण प्रभुका पदमा.....

कैले लगि पक्रेर साराले , खडा गर्दै चिर्छन् र आराले |
जिउमा सरर !
खस्छ अरे खुनको धारो भुईमा तरर || २५||  राधा कृष्ण प्रभुका पदमा.....

कैले लगि जमीनमा सुताई, ठूला-ठूला हातिले कुल्च्याई |
एवम रीतले !
नाना दु:ख दिन्छन् अर यम दूतले ||२६|| राधा कृष्ण प्रभुका पदमा.....
कुकुर गिद्ध व्वासो र चितुवा,बाघ भालु इत्यादि जन्तुका |
विचमा फाल्छन् रे!
सारा जन्तु छाला मासु लुट्दै खान्छन् रे || २७|| राधा कृष्ण प्रभुका पदमा.....

सबै जीव जन्तुको आहारा , हुदै बस्यो घर्घरी रोएर |
जब कट्छ पाप !
लिन्छौ अरे जन्म फेरी गै चौरासी लाख || २८||राधा कृष्ण प्रभुका पदमा.....

प्रभु हजूर पतित पावन , सफल पारी दिनुहोस् यो जीवन |
कृपा गरेर !
गर्छु पुकार प्रभुजीमा शरण परेर ||२९|| राधा कृष्ण प्रभुका पदमा.....

एक दिन पनि छोडेर प्रभुलाई,यो मन अन्त नजाओस् घुम्नला |
जीभ्रो दिन दिनै !
मस्त भई गरिरहोस् हरि कीर्तन ||३०|| राधा कृष्ण प्रभुका पदमा.....
कानले सधै सुन्दियोस् प्रभुका, कीर्तन भजन पुराण कथा |
लट्ठ भएर !
प्रभुजीको दर्शन गरोस् आँखा गएर || ३१|| राधा कृष्ण प्रभुका पदमा.....

माया मोह छल कपट अभिमान , लोभ लालच इत्यादि जतिछन् |
सबै गरी नाशँ !
प्रभुजीमा मन् दिउँ सधै पुग्छौ उनकै पास ||३२|| राधा कृष्ण प्रभुका पदमा.....